Dominica Coelho é unha muller erudita e excéntrica, especialista en mitoloxía grega. É «a comisaria Villarejo do mundo clásico», coñece de primeira man todos os trapos sucios dos deuses olímpicos e percorre o mundo espallando os seus “valiosos” coñecementos.

Nesta edición de “Mitoloxía para ignorantes” Dominica destapa a trama de corrupción que se agocha detrás da construción do complexo residencial dos deuses no monte Olimpo e do fulminante ascenso político de Zeus, quen pasa de vivir na clandestinidade a converterse no deus máis poderoso.