Etiqueta: artes escenicas

Pre – ESTREA MUNDIAL!!! PÍNCONÚS os días 16 e 17!!!

Tal como vos adiantamos hai algún tempo, os días de 16 e 17 deste mes o Local Hipócrita acollerá a Pre –ESTREA MUNDIAL!!  de “PÍNCONÚS”.

PÍNCONÚS”, da compañía do mesmo nome, promovida por Carlos Coira, é unha comedia musical para toda a familia.

Un día calquera, unha estación de tren, tres persoas que queren viaxar, unha taquilleira que vén e vai… Estación de orixe: Aquimesmo. Destino: Pínconús, ese lugar ó que todos queren ir pero moi poucos de atreven. Unha espera de absurdos encontros e desencontros mentres o tren está por chegar”.

Foto: La Cosa Gráfica

Ana Carreira, Carlos Coira, Carlos Rebolo e Marga Portomeñe forman o elenco. O texto e a dirección corren a cargo de José Campanari e a música de Piti Sanz.

Podedes reservar xa as vosas entradas (ó prezo de 5€) enviando un correo a:  hipocritateatro@gmail.com. Non olvidedes especificar a que función das 3 programadas queredes asistir:

1º Pre-ESTREA MUNDIAL!!: sábado 16 ás 18h

2º Pre-ESTREA MUNDIAL!!: domingo 17 ás 12:30h

3º Pre-ESTREA MUNDIAL!! domingo 17 ás 18h

Se queredes viaxar a Pínconús, agardámovos no andén da estación!  (R/ Doutor Gasalla 18 baixo dereita)

No outono regresa o teatro ó Local Hipócrita!

Despois dunha pausa veraniega, Hipócrita retoma a programación cultural no seu Local da R/ Doutor Gasalla 18.

O sábado 28 de setembro ás 20:00h o Grupo de Teatro Lucho Hospital Xeral Calde abrirá a programación outonal coa obra “O achado do castro”, unha adaptación da comedia de Manuel Nuñez Singala dirixida por Carlos Rebolo. As entradas xa están á venda  e poden reservarse no correo-e da asociación (hipocritateatro@gmail.com). Esta función forma parte do Proxecto de teatro amador Buxiganga da Deputación Provincial.

 

Os días 16 e 17 de novembro serán os tamén lucenses “Pínconús”, compañía promovida por Carlos Coira, os que suban ó escenario para a estrea da peza homónima (Pínconús). Trátase dunha comedia musical familiar protagonizada por Ana Carreira, Carlos Coira, Marga Portomeñe e Carlos Rebolo, con música de Piti Sanz e texto e dirección de José Campanari.

 

O 23 de novembro Rebuldeira Teatro porá en escena “Delicadas”, unha obra de Alfredo Sanzol inspirada nas vivencias de mulleres que viviron a Guerra Civil e a postguerra. Esta función tamén forma parte do Proxecto Buxiganga.

 

Xa no mes de decembro, o venres 13, o Local Hipócrita acollerá “Memorias dun ser humano disperso”, de Producións Dispersas, un espectáculo cómico musical no que Diego Freire dá vida a un personaxe desubicado, disfuncional e un pouquiño esquizofrénico.

Este sábado, día 6, ás 20.30 abrimos as portas de «Hotel Desencanto»

«Hotel Desencanto» non é o mellor lugar para vivir situacións idílicas, algo que os seus «clientes» parecen ignorar. Función tras función, repiten a experiencia… Ata cando? 

Unha peza de teatro contemporáneo dirixida por Carlos Rebolo que mestura comedia, drama e suspense. 

 

 

 

 

O equipo artístico e técnico está formado por: Natalia Fernández, Xesús Pereira, Teo García, Lili Costoya, Iván Redondo, Inés Agromartín, María García, Carlos Rebolo, Ángeles Muries, Juan Rivas e Julio Seijas.

Máis info en:http://hipocritateatro.org/hotel-desencanto/

Agardámoste en R/ Doutor Gasalla 18!

Prezo da entrada: 5€. (obra non recomendada para menores de 12 anos)

 

«Matapiollos» e «El Retrete de Dorian Gray» gañadores dos Hipopremios 2018

A V Edición dos Hipopremios, concedidos por Hipócrita Teatro, recoñeceu como espectáculos mellor valorados polo público do Local Hipócrita, entre todos os programados ó longo do ano 2018,  ás compañías Matapiollos e El Retrete de Dorian Gray.

A entrega de premios tivo lugar durante o V Encontro de Artes Escénicas, celebrado o sábado, día 22 . Recolleron os premios en representación das súas compañías Carlos Coira e Marcos PTT, respectivamente, ambos actores lucenses.

Matapiollos recibiu o Hipopremio pola obra “A rebelión do monicreque”, un espectáculo para público familiar que despediu dos escenarios no Local Hipócrita no mes de febreiro.  A compañía lucense levaba xa realizado máis de cen funcións do espectáculo por toda Galicia.

El Retrete de Dorian Gray presentara o espectáculo polo que foi premiado, “Retrete Cabarete”, por primeira vez en Lugo no mes de xuño, despois de percorrer con el máis de 12 países de 3 continentes con gran acollida entre o público.

Carmen Conde e Lola Fernández (do grupo Nostrum Cai Teatro-Danza), gañadoras dos Hipopremios 2017, fixeron entrega das «estatuiñas», deseño do artesán Pablo Mazoy. 

V Encontro de Artes Escénicas

O Local Hipócrita acolleu este sábado, día 22, ás 20h V Encontro de Artes Escénicas. 

Este ano o Encontro contou coas actuacións de Swing Jazz  Lugo, da monologuista Carmen Conde e da artista circense Ana Balmaceda, que xunto con varios actores e actrices de Hipócrita deron forma a un espectáculo de humor que xirou arredor das “pantasmas do pasado e do presente”.

Durante o Encontro  fíxose entrega dos Hipopremios 2018.

Esta actividade conta co apoio da Deputación Provincial de Lugo

 

Adianto da programación de Nadal

O Local Hipócrita pecha a súa programación cultural anual con tres espectáculos teatrais ben diferentes, que terán lugar nas dúas fins de semana do Nadal.

O día 21, a nova compañía lucense Ítaca Teatro (http://itacateatro.comporá en escena a súa ópera prima, “Cinco minutos sen respirar”. Esta función forma parte do Programa Proscenio da Deputación Provincial.

O día 22, Hipócrita celebra o V Encontro de Artes Escénicas, que contará con tres artistas convidados, e que, como en anteriores edicións, será a gala na que se entreguen os Hipopremios.

O día 29, o Local acollerá a performance “Frío: somos inuits?” de Rubén Pérez Pombo, precedida dun obradoiro para maiores de 6 anos.

11 de novembro: contacontos con maxia para público familiar

Este domingo, ás 12:30h, nova sesión matinal para público familiar:

«A historia de Blancaflor» un contacontos con maxia. Protagonizado por Fran Rei, baixo a dirección de Avelino González,  este contacontos achégamos á lenda popular de Brancaflor -filla do Demo- a partires da versión que Xosé Ramón Mariño Ferro recolleu na súa escolma Contos Marabillosos. Unha trama chea de probas máxicas, encantamentos, romances e maleficios. Unha fermosa historia de amor entre Brancaflor e Xan, á que se opón o malvado pai da rapaza.

O espectáculo forma parte do Programa de Teatro Profesional PROSCENIO da Deputación Provincial de Lugo.

Prezo da entrada: 5€

 

Continúa o Circuíto Amador os días 22 e 23

O Circuíto Galego de Teatro Amador organizado por Hipócrita Teatro e promovido pola Federación Galega de Teatro Afeccionado (FEGATEA) co apoio da Consellería de Cultura da Xunta de Galicia  ofrece esta fin de semana outras dúas funcións no Local Hipócrita (R/ Doutor Gasalla, nº 18 baixo).

O sábado, ás 20h, Hipócrita Teatro presenta “Menestra de testosterona” unha comedia aceda para público adulto que explora algúns dos estereotipos machistas aínda presentes na nosa sociedade, non só no papel dos homes, senón tamén no das mulleres

Escena de «Menestra de testosterona»
Elenco de «Misterios»

O domingo, haberá de novo sesión matinal para público familiar, ás 12:30h, con “Misterios” de O Aturuxo de Melpómene, unha obra escrita e dirixida por Paula Carballeira que fala da curiosidade infantil e do emocionante de buscar respostas ós grandes “misterios” cotiás.

 

O prezo das entradas para calquera das funcións é de 3€.

Esta fin de semana (15 e 16 de setembro) comeza o Circuíto de FEGATEA no Local Hipócrita

Logo dun par de meses de descanso, este sábado retomamos a programación cultural  co Circuíto Galego de Teatro Amador que promove a Federación Galega de Teatro Afeccionado (FEGATEA) co apoio da Consellería de Cultura da Xunta de Galicia.

En total serán 4 obras as que poderemos ver entre esta fin de semana e a seguinte.

O sábado 15, ás 20h, Axóuxere Teatro, de Oleiros, porá en escena a peza “A Rúa do Inferno”, unha comedia para público adulto.

A rúa do inferno” é a adaptación ao galego da obra “La calle del infierno” do dramaturgo Antonio Onetti (Sevilla, 1962).Chámaselle así, na Feria de Sevilla, á zona de lecer onde están as atraccións de todo tipo: noria, coches de choque, casa dos espellos, tren da bruxa, etc. Na obra, a tres mulleres traballadoras dun supermercado preséntaselles a oportunidade de participar nun concurso de sevillanas e gañar 6000 euros. Só poden bailar dúas. Elas son… tres. Suponse que son amigas, pero ante o conflito, sairán as súas

auténticas personalidades…

O domingo, sesión matinal para público familiar ás 12:30h, co espectáculo de sombras titulado “Alén”  da compañía Paso de Valverde.

“Alén” é un espectáculo de sombras que integra diferentes técnicas, dende a manipulación de bonecos articulados ata a videoproxección. “Alén” conta as aventuras que vive Chuquiño, un rapaz galego que decide marchar á procura do seu tío explorador, en países lonxanos e culturas moi diferentes á súa.

 

O Circuíto continuará  os días 22 e 23 con “Menestra de testosterona” de Hipócrita Teatro, o sábado ás 20h, e “Misterios” de O Aturuxo de Melpómene, o domingo ás 12:30h.

Todas as funcións terán lugar no Local Hipócrita, R/ Doutor Gasalla 18 baixo.

Prezo da entrada: 3€.

Retrete Cabarete, un derroche de humor e imaxinación!!!

Orgullosos de recibir no noso local á compañía El Retrete de Dorian Gray co seu espectáculo Retrete Cabarete!!

Dous actores, Ezra Moreno e Marcos PTT Carballido, manipulando globos e títeres planos, cunha destreza difícil de igualar, ó ritmo de músicas de diferentes estilos, crean un espectáculo sen palabras capaz de encandilar a nenos/as e adultos durante unha hora.

Tempo era de que os espectadores lucenses tiveramos a oportunidade de disfrutar dun espectáculo nada convencional!

Fotos de Juan Rivas