Frío: Somos inuits?, de Rubén Pérez Pombo, os día 3 e 4 de maio

Os días 3 e 4 de maio a Sala Hipócrita acollerá “Frío: Somos inuits?” unha proposta performativa de Rubén Pérez Pombo na que o artista lucense fala do mar, a migración e o movemento. Finalista no Certame MálagaCrea na categoría de performance e Mención Honorífica no I Concurso de Cortometrajes Fundación IPES – La Violencia Contra las Mujeres y/o los Derechos Humanos, “Frío:somos inuits?” foi seleccionada, ademais, para participar no Indian Cine Film Festival de Bombay e no festival “A Pantalla Abierta” que organiza a Universidade Autónoma do Estado de México, dentro da sección “Jóvenes Creadores”.

A actividade inclúe unha experiencia creativa,  “Xogando a ser inuits”, destinada a cativos entre 6 e 16 anos, que trata de explicar á rapazada, mediante xogos, ó problema da migración, para unha mellor comprensión da proposta performativa que se realizará a continuación, na que participarán activamente. Os cativos de 6 a 9 anos poderán inscribirse no obradoiro que terá lugar o venres día 3 de 18:30 a 19:30h, mentres que os maiores de 10 poderán facelo no do sábado, de 12:30 a 13:30h, enviando un correo-e a hipocritateatro@gmail.com. O prazo de inscrición está aberto e remata o 2 de maio.

Para o público en xeral realizaranse dous pases da proposta performativa: o venres ás 19:30h e o sábado ás 13:30h.

O obradoiro ten un prezo de 7€ e a entrada para a proposta performativa custa 3€.

Deja un comentario

Tu dirección de correo electrónico no será publicada. Los campos obligatorios están marcados con *