Ano 2015

Onde Chaplin perdeu o seu paraugas

CONTACONTOS MUSICADO

Espectáculo para adultos, sobre textos orixinais de María García e música composta e interpretada por Beatriz Pérez.

Ano 2013

Emperador, que pensas? Fala!

Comedia de enredo con reminiscencias plautinas. 

O imperio romano está en decadencia e o emperador Galerio ven refuxiarse á afastada cidade de Lucus Augusti. Entre as súas robustas murallas, Galerio séntese a salvo. Pero unha estraña enfermidade, unha esposa ambiciosa, un anfitrión que quizabes non é o que aparenta, unha filla caprichosa… perturban a súa tranquilidade. O  inimigo sempre está máis preto do que un sospeita. 

Ano 2011

Unha Historia con Pau

 Coma onte, hoxe e sempre, quen xoga (segundo os expertos) é máis creativo e sociable. A sorpresa, a fantasía, a capacidade para crear e recrear mundos, obxectos e personaxes, o descubrimento de sentimentos e sensacións na relación cos outros, o poder inventar o presente e o futuro,  forman parte do xogo. Pero, a que xogan os nenos e as nenas de hoxe? Deixan os “robóticos” xoguetes modernos lugar para a creatividade e a imaxinación? Unha historia con pau retrocede no tempo para mostrarnos o máxico encanto do pau dunha vasoira, un pau que pode ser un cabalo, unha espada, unha frauta …  mesmo unha buxaina, por que non? Unha homenaxe ás mentes emprendedoras, aos nenos e nenas de 3 a 100 anos (ou máis) que manteñen a habilidade de tecer os seus soños cos fíos da perseveranza.

Ano 2009

Homes en Escabeche

Comedia Intelixente e satírica

Alicia anhela atopar o grande amor da súa vida, ese home que, como as sardiñas, se poida conservar en escabeche.

 

Premios Lugrís Freire 2010:

Mellor obra

Mellor actor (Carlos Rebolo)

Ano 2007

CASTING

Comedia

 Tres mulleres,tres historias

un papel.....

Ano 2005

MISERERE

"TODO ESTÁ SEMPRE NOS SEUS COMEZOS"

Unha muller percorre o universo da súa memoria ateigado de ilusións, de culpas, de medos, de esperanza, de soidade…, pensamentos, sentimentos e emocións contradictorios que a levan a debaterse constantemente entre o amor e o odio, entre a rebeldía e a sumisión. María recorda a súa relación con Francisco dende a habitación que está a piques de abandonar e o seu relato amosa, coma unha radiografía, as vivenzas dunha muller vítima da violencia da súa parella.