Categoría: teatro

O sábado 3 de decembro ás 20h, estreamos «Sombras nos ollos»!

«Sombras nos ollos»  é unha nova proposta na oferta de espectáculos teatrais de Hipócrita Teatro.

Trátase dunha adaptación da peza “Baile de Sombras” (calidoscopio nº4) do autor, actor e director galego Fran Godón.

«Sombras nos ollos» é unha historia dramática na que presente e pasado, mundo real e mundo sensorial se confunden, creando un espazo cheo de sombras do que os personaxes non poden saír.

A interpretación actoral, a iluminación e o ambiente sonoro son os principais elementos dunha posta en escena sinxela, que busca a emoción do público.

Fernanda Arrojo, Natalia Fernández e Marta Árias soben ó escenario baixo a dirección de Natalia Fernández.

Juan Rivas encargouse do deseño de luces e María García da dramaturxia e do ambiente sonoro.

A estrea terá lugar o sábado 3 de decembro ás 20:00 no Escenario Hipócrita.

As entradas, ó prezo de 5€, poden adquirirse no propio local.

O sábado 26, Disfunción Contínua pecha o Circuíto de Teatro FEGATEA no Escenario Hipócrita

A compañía de A Estrada, Disfunción Contínua porá en escena a súa peza Departamento de Selección o sábado 26, ás 20:00h no Escenario Hipócrita.

Esta é a cuarta e última función do Circuíto Galego de Teatro Amador 22  da FEGATEA que terá lugar no local de Hipócrita Teatro.

Departamento de selección presenta varios personaxes que aceptan participar nun xogo  cruel e perverso para acadar un posto de traballo. O cinismo, o egoísmo, a intolerancia e a falta de empatía vanse manifestando no seu comportamento a medida que o xogo avanza.

 

O público, xunto cos personaxes, debe decidir ata onde chega a verdade e onde comeza o truco.  O espectador poderá reflexionar sobre  o comportamento humano e  os valores da sociedade de mercado en que vivimos.   A obra, que alterna momentos máis divertidos con outros máis dramáticos, é unha crítica á deshumanización do mundo capitalista,  que nos convirte en enemigos e competidores, dispostos á loita máis salvaxe na que  todo vale.

No escenario dan vida ós personaxes María Porto, Clara Iglesias, Natalia Carbajal, Bea del Río e Rosa López baixo a dirección de Jouse García.

As entradas poden mercarse no mesmo local ó prezo de 3€.

Sábado 5 de novembro: Ás portas, unha obra de Paso de Valverde

O ´sabado 5 de novembro, ás 20h,  o Escenario Hipócrita acolle a terceira función do Circuíto Galego de Teatro Amador, promovido por FEGATEA co apoio da Secretaría Xeral de Cultura.

A compañía Paso de Valverde porá en escena a súa peza «Ás portas». Con dirección e dramaturxia de  Xavier Ramilo, a obra inspírase en textos de Luix Kaf e Bertol Brecht.

As portas, esas temibles e amadas fronteiras que traen e levan á xente do noso carón, sen sabermos se estaremos mellor despois de abrilas.
En Ás Portas, serán as encargadas de traer novas de outros lares, onde caen as bombas e o irmán de Ana e María loita polo país.
Namentres, elas agardan impacientes e empregan as portas coma barreira para crear o seu propio mundo, feito de retazos da historia nacional e do pasado familiar coma parte da clase acomodada.
Todo o que eran e posuían foise perdendo ao son das bombas. Durante a espera, o medo, o riso e as dúbidas irán anegando a súa casa ata desesperar ás dúas irmás.
Esta é una historia de guerra, de lembranzas, de esperanza e de cambio. É unha historia que move, empurra e acompaña ás dúas protagonistas cara un novo mundo.
Cando o perdes todo, só podes resignarte ou loitar.

ELENCO: Sonia Gómez, Ana Veiga, Bea Sánchez, Xavier Ramiilo
DIRECCIÓN E DRAMATURXIA: Xavier Ramillo
TÉCNICA: Pablo Herforth, Zas Design e Xavier Ramilo
DURACIÓN APROXIMADA: 60 minutos:

Prezo da entrada: 3€

 

«En venda», unha comedia aceda, o sábado 29 de outubro

O sábado 29 ás 20h continuamos coa programación teatral no Local Hipócrita.

O Circuíto Galego de Teatro Amador de FEGATEA, que conta co apoio da Secretaría Xeral de Cultura, tráenos, desta volta, a un grupo que xa ten canas (cos seus 42 anos de historia) pero que conserva a enerxía da xente moza. Trátase de O TRASNO, que chega dende Vigo para  poñer sobre o escenario  «En venda«, unha traxicomedia que lle bota humor a temas moi serios.

Sefi Romero, Mª José González e Lucía Carballás, as actrices que protagonizan esta peza, seguro que  conseguirán arrincarnos un sorriso.

Aquí tedes un avance:

TRAILER DE «EN VENDA»

Podes mercar a túa entrada na propia billetería, a 3€.

Agardámoste en R/ Doutor Gasalla 18!

Hipócrita estrea «Arte» este sábado, 1 de outubro, no Local Hipócrita

Coa estrea de “Arte”, unha nova montaxe teatral de Hipócrita Teatro, comeza o Circuíto Galego de Teatro Amador no Local Hipócrita, este sábado ás 20h.

Este circuíto teatral promovido pola FEGATEA, co apoio económico da Secretaría Xeral de Cultura da Xunta de Galicia, traerá ó Local Hipócrita outras tres funcións de grupos de A Coruña e Pontevedra neste outono.

“Arte”, da dramaturga Yasmina Reza, está protagonizada por Teo García, Iván Redondo e Carlos Rebolo e dirixida por José Campanari.

Trátase dunha comedia sobre a amizade e sobre a fraxilidade dos lazos humanos. Hipócrita Teatro xa ten previstas outras cinco funcións desta peza, durante o outono, en distintas localidades da xeografía galega.

As entradas poden adquirirse no propio Local (R/ Doutor Gasalla, 18) dende unha hora antes da función, ó prezo de 3€.

 

O sábado 30, «Casting» no Local Hipócrita

«Casting», unha parodia dos estereotipos femininos no cine de Hollywood, estará o día 30 de abril no escenario Hipócrita por segunda vez dende a súa estrea no pasado outono.

A peza, protagonizada por María García, Natalia Fernández e Marta Arias, e dirixida por Elea López , está a ter unha excelente acollida entre o público.

 

A función será ás 20h e as entradas poden adquirirse no propio local dende unha hora antes da función.

Ubú e Axóuxere galardonados nos HIPOPREMIOS 2020-2021!

Este ano, por fin, puidemos retomar a nosa emblemática Gala dos Hipopremios!

As historias contadas por Vero Rilo, «os personaxes marioneta» de Pínconús e a peza de teatro breve «A Faraona», da autoría de Carmen Conde, posta en escena por Teatro Hula encheron de humor esta VII edición da Gala. Un espectáculo  no que tamén houbo tempo para recordar o valor social do teatro como arte trimilenaria dende as palabras que Fernando Dacosta verteu no Manifesto polo Día Mundial do Teatro 2022.

O público do Local Hipócrita quixo que os Hipopremios 2020-21 foran para Ubú Teatro, na categoría de teatro infantil,  por » O vixilante dos soños», e para Axóuxere Teatro, na categoría de teatro para público adulto, por «Facendo as partixas».

O grupo lucense Ubú  actuara no Local Hipócrita dez días antes de decretarse o confinamento.

Compañías premiadas
Artista que actuaron na Gala

O sábado, 20 de novembro,»Historias pequenas…» co Grupo de Teatro da Biblioteca de Antas

«Historias pequenas de xente que non lle importa a ninguén» é un novo espectáculo do Grupo de Teatro da Biblioteca de Antas de Ulla e chega ó Local Hipócrita o sábado 20  ás 19h, dentro do Ciclo Táboas Cheas de Emoción da Deputación Provincial.

Trátase dunha peza dirixida por Ana Carreira que reúne varias escenas independentes protagonizadas por personaxes anónimos que atravesan momentos de dificultade: unha mendiga que reclama, unha moza que pide traballo, un neno que atopa unha estrela, unha moza con ollo de cristal, unha moza que come o presente de orquídeas que lle regalan, un barbeiro que axuda a desaparecer, un domador que perde o seu león, un robot que non entende aos humanos e un asasino asasinado.

As entradas son de balde ata completar a capacidade e poden collerse no propio local dende unha hora antes da función.

 

As funcións adiadas de Atrezo e Hipócrita Teatro serán o 2 e 3 de outubro.

O sábado, 2 de outubro, ás 19h terá lugar a actuación do grupo Atrezo Teatro. A compañía viguesa traerá a Lugo outras pezas do seu repertorio para substituír a obra «Que familia!», que tivo que ser cancelada o pasado sábado por problemas persoais dun membro do elenco. Atrezo poñerá en escea tres pezas breves, dirixidas por Chelo Pampillón,  protagonizadas por mulleres na procura dun futuro mellor ou na loita por deixar atrás o pasado.

RESERVAR ENTRADA PARA ATREZO TEATRO

 

O domingo, 3 de outubro, á mesma hora, será Hipócrita Teatro quen suba o seu escenario para a estrea da súa nova obra «Casting», que tamén tivo que ser adiada por problemas de saúde dunha das actrices.  «Casting» é unha parodia dos estereotipos femininos no cine de Hollywood, dirixida por Elea López e protagonizada por María García, Marta Arias e Natalia Fernandez, con Juan Rivas no papel de productor e ós mandos da técnica.

 

RESERVAR ENTRADA PARA HIPÓCRITA TEATRO

Estas son as dúas últimas funcións do Circuíto Galego de Teatro Amador 2021, promovido pola FEGATEA, que se celebran no Local Hipócrita.

RESERVA ENTRADA PARA O CIRCUÍTO AMADOR (do 18 ó 26 de setembro)

A piques de rematar o verán, volve a programación cultural ó Local Hipócrita con 4 funcións para público adulto do Circuíto Galego de Teatro Amador 2021 promovido pola FEGATEA co apoio da Consellería de Cultura.

Trátase de 4 pezas de teatro para público adulto que exploran códigos e xéneros ben distintos, dende o drama á parodia pasando pola comedia. Todas as funcións terán lugar ás 19h e o prezo da entrada é de 3€.

O grupo pontevedrés Porta Aberta abrirá o Circuíto coa obra GET BACK, unha peza de teatro contemporáneo da autoría de Diego Ameixeiras, o sábado 18 . En Get Back veremos como unha parada temporal do metro pode converterse nunha viaxe ao pasado das personaxes. Unha mirada no seu interior a situacións que desexan cambiar pero non o conseguían. Unha obra tremendamente actual para entreterse, escoitar, desfrutar e recoñecerse nunha das cinco vidas que se atopan no mesmo vagón da vida.

RESERVAR ENTRADA PARA GET BACK

 

Axóuxere Teatro, de Oleiros, porá en escena a peza «Facendo as partixas» o domingo 19 . Nos anos 80, dúas irmás reencóntranse despois de vinte anos para repartir a herdanza. A pesares das diferenzas, os remorsos e as pantasmas, descubrirán que teñen mais cousas en común das que crían.

RESERVAR ENTRADA PARA FACENDO AS PARTIXAS

 

 

 

 

O grupo Atrezo, de O Porriño, presentará o sábado 25 Que familia! Unha peza escrita e dirixida por Chelo Pampillón que aborda o papel dos maiores na familia e plantéxanos un dilema moral: «hai xente que resulta prescindible na sociedade na que vivimos?»

 A FUNCIÓN DE ATREZO TIVO QUE ADIARSE por cuestións persoais dun membro do elenco. ANUNCIARASE NOVA DATA

 A FUNCIÓN DE HIPÓCRITA TEATRO ADÍASE por problemas de saúde dunha das actrices. ANUNCIARASE NOVA DATA

Hipócrita Teatro pechará o Circuíto  coa estrea da obra Casting, unha parodia dos estereotipos femininos no cine de Hollywood